Tjaldsvæði Gesthúsa er stórt og fallegt. Aðstaðan er til fyrirmyndar og staðsetningin einstaklega góð. Mikil veðursæld er á svæðinu þar sem jaðrar þess eru skógi vaxnir.
Gestir hafa aðgang að glæsilegri þjónustumiðstöð með snyrtingum, sturtum, eldunaraðstöðu og stórum matsal. Við innkeyrsluna inn á stæðin er salernishús. Í og við þjónustumiðstöð er í boði frítt þráðlaust internet og gestir hafa aðgang að þvottavél og þurrkara gegn vægu gjaldi.
Svæðið skiptist í tvö aðskilin svæði, annars vegar svæði fyrir tjöld og hins vegar svæði fyrir húsbíla, tjaldvagna og fellihýsi með aðgangi að rafmagni. Rafmagnstenglar eru 40 talsins og eru staðsettir utan með svæðinu. Norðan við þjónustumiðstöðina er svæði þar sem hægt er að losa úr ferðasalernum og vatnstönkum sem og slanga til að fylla á neysluvatn.
Á vagnsvæðinu eru rólur fyrir börn og Grýlupottar sem þykja vinsælir hjá yngri kynslóðinni. Heitir pottar eru á svæðinu og standa gestum til boða gegn vægu gjaldi á opnunartíma þjónustumiðstöðvar. Börn yngri en 18 ára skulu vera í fylgd forráðamanna.
Í þjónustumiðstöðinni fæst kaffi, te, gosdrykkir, léttvín og bjór alla daga.
Tjaldsvæðið er í göngufæri við miðbæinn, sundlaugina, íþróttavöllinn, veitingastaði og matvöruverslanir.
Sem fjölskyldufyrirtæki leggjum við metnað í persónulega þjónustu og gerum allt sem við getum til að dvölin hjá okkur verði eftirminnileg.
Komdu við í þjónustumiðstöð og greiddu áður en þú leggur eða tjaldar.
Tjaldsvæðið er opið allt árið um kring. Einstaklingar þurfa ekki að bóka – við höfum nóg pláss! Komið í þjónustumiðstöð áður en þið leggið eða tjaldið og fáið upplýsingar um hvar skal leggja/tjalda.
Hópar, vinsamlega hafið samband í gegnum tölvupóst: gesthus@gesthus.is
Fyrir stóra sem smáa – fyrir allar tegundir ferðamanna.
Verið velkomin á tjaldsvæði Gesthúsa!
Einstaklingar þurfa ekki að bóka, við höfum nóg pláss! Hópar, vinsamlega hafið samband í gegnum tölvupóst á gesthus@gesthus.is.
Afbókunarskilmálar fyrir hópa: Þú getur afpantað þér að kostnaðarlausu þar til 7 dögum fyrir komu. Þú greiðir heildarverð bókunarinnar ef þú afpantar innan 7 daga fyrir komu eða mætir ekki.
Fjölskyldurekinn gististaður og tjaldsvæði í hjarta Selfoss – sumarhús, smáhýsi og hjólhýsasvæði, opið allt árið.